Shakraday Stuti : Chapter 4 of Chandi Path.
શક્રાદયકૃતા દેવીસ્તુતિઃ
॥અથ ચતુર્થોઽધ્યાયઃ ॥
ઋષિરુવાચ ॥ ૧॥
શક્રાદયઃ સુરગણા નિહતેઽતિવીર્યે
તસ્મિન્દુરાત્મનિ સુરારિબલેચ દેવ્યા ।
તાં તુષ્ટુવુઃ પ્રણતિનમ્રશિરોધરાંસા
વાગ્ભિઃ પ્રહર્ષપુલકોદ્ગમચારુદેહાઃ ॥ ૨॥
દેવ્યા યયા તતમિદં જગદાત્મ શક્ત્યા
નિશ્શેષ દેવગણ શક્તિ સમૂહ મૂર્ત્યા।
તામમ્બિકામ ખિલ દેવ મહર્ષિ પૂજ્યાં
ભક્ત્યા નતાઃ સ્મ વિદધાતુ શુભાનિ સા નઃ ॥ ૩॥
યસ્યાઃ પ્રભાવમતુલં ભગવાન નન્તો
બ્રહ્મા હરશ્ચ ન હિ વક્તુમલં બલં ચ ।
સા ચણ્ડિકાખિલજગત્પરિપાલનાય
નાશાય ચાશુભભયસ્ય મતિં કરોતુ॥ ૪॥
યા શ્રીઃ સ્વયં સુકૃતિનાં ભવનેષ્વલક્ષ્મીઃ
પાપાત્મનાં કૃતધિયાં હૃદયેષુબુદ્ધિઃ ।
શ્રદ્ધા સતાં કુલજનપ્રભવસ્ય લજ્જા
તાં ત્વાં નતાઃ સ્મ પરિપાલય દેવિ વિશ્વમ્॥ ૫॥
કિં વર્ણયામ તવ રૂપમચિન્ત્યમેતત્
કિં ચાતિવીર્યમસુરક્ષયકારિ ભૂરિ ।
કિં ચાહવેષુ ચરિતાનિ તવાદ્ભુતાનિ
સર્વેષુ દેવ્ય સુર દેવ ગણાદિકેષુ॥ ૬॥
હેતુઃ સમસ્તજગતાં ત્રિગુણાપિ દોષૈ
ર્નજ્ઞાયસે હરિહરા દિભિરપ્યપારા ।
સર્વાશ્રયાખિલમિદં જગદંશભૂત
મવ્યાકૃતા હિ પરમા પ્રકૃતિસ્ત્વમાદ્યા ॥ ૭॥
યસ્યાઃ સમસ્તસુરતા સમુદીરણેન
તૃપ્તિં પ્રયાતિ સકલેષુમખેષુદેવિ ।
સ્વાહાસિ વૈપિતૃગણસ્ય ચ તૃપ્તિહેતુ
રુચ્ચાર્યસે ત્વમત એવ જનૈઃ સ્વધા ચ ॥ ૮॥
યા મુક્તિ હેતુર વિચન્ત્યમહાવ્રતા ત્વં
અભ્યસ્યસે સુનિયતેન્દ્રિય તત્ત્વ સારૈઃ ।
મોક્ષાર્થિ ભિર્મુનિ ભિરસ્ત સમસ્તદોષૈ
ર્વિદ્યાસિ સા ભગવતી પરમા હિ દેવિ ॥ ૯॥
શબ્દાત્મિકા સુવિમલર્ગ્યજુષાં નિધાન
મુદ્ગીથ રમ્ય પદ પાઠવતાં ચ સામ્નામ્।
દેવી ત્રયી ભગવતી ભવ ભાવનાય
વાર્ત્તા ચ સર્વજગતાં પરમાર્ત્તિ હન્ત્રી ॥ ૧૦॥
મેધાસિ દેવિ વિદિતા ખિલ શાસ્ત્રસારા
દુર્ગાસિ દુર્ગ ભવ સાગર નૌર સઙ્ગા ।
શ્રીઃ કૈટભારિ હૃદયૈ કકૃતા ધિવાસા
ગૌરી ત્વમેવ શશિ મૌલિકૃતપ્રતિષ્ઠા ॥ ૧૧॥
ઈષત્સ હા સમમલં પરિપૂર્ણ ચન્દ્ર
બિમ્બાનુકારિ કન કોત્તમ કાન્તિ કાન્તમ્।
અત્યદ્ભુતં પ્રહૃત માત્તરુષા તથાપિ
વક્ત્રં વિલોક્ય સહસા મહિષા સુરેણ ॥ ૧૨॥
દૃષ્ટ્વા તુ દેવિ કુપિતં ભ્રુકુટી કરાલ
મુદ્ય ચ્છશાઙ્ક સદૃશચ્છવિ યન્ન સદ્યઃ ।
પ્રાણાન્મુમોચ મહિષસ્તદ તીવ ચિત્રં
કૈર્જીવ્યતે હિ કુપિતાન્તક દર્શનેન ॥ ૧૩॥
દેવિ પ્રસીદ પરમા ભવતી ભવાય
સદ્યોવિનાશયસિ કોપવતી કુલાનિ ।
વિજ્ઞાત મેત દધુનૈવ યદસ્ત મેત
ન્નીતં બલં સુવિપુલં મહિષાસુરસ્ય ॥ ૧૪॥
તે સમ્મતા જનપદેષુ ધનાનિ તેષાં
તેષાં યશાંસિ ન ચ સીદતિ ધર્મવર્ગઃ ।
ધન્યાસ્ત એવ નિભૃતાત્મજ ભૃત્ય દારા
યેષાં સદાભ્યુદયદા ભવતી પ્રસન્ના ॥ ૧૫॥
ધર્મ્યાણિ દેવિ સકલાનિ સદૈવ કર્મા
ણ્યત્યાદૃતઃ પ્રતિદિનં સુકૃતી કરોતિ ।
સ્વર્ગં પ્રયાતિ ચ તતો ભવતી પ્રસાદા
લ્લોકત્રયેઽપિ ફલદા નનુદેવિ તેન ॥ ૧૬॥
દુર્ગે સ્મૃતા હરસિ ભીતિ મશેષ જન્તોઃ
સ્વસ્થૈઃ સ્મૃતા મતિમતીવ શુભાં દદાસિ ।
દારિદ્ર્ય દુઃખ ભય હારિણિ કા ત્વદન્યા
સર્વોપ કાર કરણાય સદાઽઽર્દ્રચિત્તા ॥ ૧૭॥
એભિર્હતૈ ર્જગદુપૈતિ સુખં તથૈતે
કુર્વન્તુ નામ નરકાય ચિરાય પાપમ્।
સઙ્ગ્રામ મૃત્યુ મધિગમ્ય દિવં પ્રયાન્તુ
મત્વેતિ નૂન મહિતાન્વિનિહંસિ દેવિ ॥ ૧૮॥
દૃષ્ટ્વૈવ કિં ન ભવતિ પ્રકરોતિ ભસ્મ
સર્વા સુરા નરિષુ યત્પ્રહિણોષિ શસ્ત્રમ્।
લોકાન્પ્રયાન્તુ રિપવોઽપિ હિ શસ્ત્રપૂતા
ઇત્થં મતિર્ભવતિ તેષ્વપિ તેઽતિસાધ્વી ॥ ૧૯॥
ખડ્ગ પ્રભાનિકર વિસ્ફુરણૈ સ્તથોગ્રૈઃ
શૂલાગ્ર કાન્તિ નિવહેન દૃશોઽસુરાણામ્ ।
યન્નાગતા વિલય મંશુ મદિન્દુ ખણ્ડ
યોગ્યાનનં તવ વિલોકયતાં તદેતત્॥ ૨૦॥
દુર્વૃત્ત વૃત્ત શમન્ં તવ દેવિ શીલં
રૂપં તથૈત દવિ ચિન્ત્ય મતુલ્યમન્યૈઃ ।
વીર્યં ચ હન્ત્રિ હૃતદેવ પરાક્રમાણાં
વૈરિષ્વપિ પ્રકટિતૈવ દયા ત્વયેત્થમ્॥ ૨૧॥
કેનોપમા ભવતુ તેઽસ્ય પરાક્રમસ્ય
રૂપં ચ શત્રુ ભય કાર્યતિહારિ કુત્ર ।
ચિત્તેકૃપા સમર નિષ્ઠુરતા ચ દૃષ્ટા
ત્વય્યેવ દેવિ વરદે ભુવનત્રયેઽપિ ॥ ૨૨॥
ત્રૈલોક્ય મેત દખિલં રિપુનાશનેન
ત્રાતં ત્વયા સમર મૂર્ધનિ તેઽપિ હત્વા ।
નીતા દિવં રિપુગણા ભયમપ્ય પાસ્ત
મસ્માક મુન્મદ સુરારિભવં નમસ્તે॥ ૨૩॥
શૂલેન પાહિ નોદેવિ પાહિ ખડ્ગેન ચામ્બિકે।
ઘણ્ટાસ્વનેન નઃ પાહિ ચાપજ્યાનિઃસ્વનેન ચ ॥ ૨૪॥
પ્રાચ્યાં રક્ષ પ્રતીચ્યાં ચ ચણ્ડિકેરક્ષ દક્ષિણે।
ભ્રામણેનાત્મ શૂલસ્ય ઉત્તરસ્યાં તથેશ્વરિ ॥ ૨૫॥
સૌમ્યાનિ યાનિ રૂપાણિ ત્રૈલોક્યે વિચરન્તિ તે।
યાનિ ચાત્યર્થ ઘોરાણિ તૈરક્ષાસ્માં સ્તથા ભુવમ્॥ ૨૬॥
ખડ્ગશૂલગદાદીનિ યાનિ ચાસ્ત્રાણિ તેઽમ્બિકે।
કરપલ્લવ સઙ્ગીનિ તૈરસ્માન્ રક્ષ સર્વતઃ ॥ ૨૭॥
ઋષિરુવાચ ॥ ૨૮॥
એવં સ્તુતા સુરૈર્દિવ્યૈઃ કુસુમૈર્નન્દનોદ્ભવૈઃ ।
અર્ચિતા જગતાં ધાત્રી તથા ગન્ધાનુલેપનૈઃ ॥ ૨૯॥
ભક્ત્યા સમસ્તૈ સ્ત્રિદશૈ ર્દિવ્યૈ ર્ધૂપૈ સ્તુધૂપિતા ।
પ્રાહ પ્રસાદ સુમુખી સમસ્તાન્પ્રણતાન્સુરાન્॥ ૩૦॥
દેવ્યુવાચ ॥ ૩૧॥
વ્રિયતાં ત્રિદશાઃ સર્વે યદસ્મત્તો ઽ ભિવાઞ્છતમ્
દદામ્યહં અતિપ્રીત્યા સ્તવૈરેભિ: સુપૂજિતા ॥ ૩૨॥
દેવા ઉચુઃ ॥ ૩૩॥
ભગવત્યા કૃતં સર્વંન કિઞ્ચિદ વશિષ્યતે।
યદયં નિહતઃ શત્રુ રસ્માકં મહિષાસુરઃ ॥ ૩૪॥
યદિ ચાપિ વરોદેય સ્ત્વયાઽસ્માકં મહેશ્વરિ ।
સંસ્મૃતા સંસ્મૃતા ત્વં નોહિંસેથાઃ પરમાપદઃ ॥ ૩૫॥
યશ્ચ મર્ત્યઃ સ્તવૈરેભિસ્ત્વાં સ્તોષ્ય ત્યમલાનને।
તસ્ય વિત્તર્દ્ધિ વિભવૈ ર્ધન દારાદિ સમ્પદામ્॥ ૩૬॥
વૃદ્ધયેઽસ્મત્પ્રસન્ના ત્વં ભવેથાઃ સર્વદામ્બિકે॥ ૩૭॥
ઋષિરુવાચ ॥ ૩૮॥
ઇતિ પ્રસાદિતા દેવૈ ર્જગતોઽર્થે તથાઽત્મનઃ ।
તથેત્યુક્ત્વા ભદ્રકાલી બભૂવાન્ત ર્હિતા નૃપ ॥ ૩૯॥
ઇત્યેત ત્કથિતં ભૂપ સમ્ભૂતા સા યથા પુરા ।
દેવી દેવ શરીરેભ્યો જગત્ત્રય હિતૈષિણી ॥ ૪૦॥
પુનશ્ચ ગૌરીદેહાત્સા સમુદ્ભૂતા યથાભવત્।
વધાય દુષ્ટદૈત્યાનાં તથા શુમ્ભનિ શુમ્ભયોઃ ॥ ૪૧॥
રક્ષણાય ચ લોકાનાં દેવાના મુપકારિણી ।
તચ્છૃણુષ્વ મયાઽઽખ્યાતં યથાવત્કથયામિ તે॥ ૪૨॥
ઇતિ શ્રી માર્કણ્ડેય પુરાણે સાવર્ણિકે મન્વન્તરે દેવીમાહાત્મ્યે શક્રાદિસ્તુતિર્નામ ચતુર્થોઽધ્યાયઃ ॥ ૪૩॥