content

Sankat Mochan Hanumanashtakam

8 verses with tales of glory for Lord Hanuman

॥ સંકટમોચન હનુમાનાષ્ટક ॥

બાલ સમય રબિ ભક્ષિ લિયો તબ તીનહુઁ લોક ભયો અઁધિયારો ।
તાહિ સોં ત્રાસ ભયો જગ કો યહ સંકટ કાહુ સોં જાત ન ટારો ।
દેવન આનિ કરી બિનતી તબ છાઁડિ દિયો રબિ કષ્ટ નિવારો ।
કો નહિં જાનત હૈ જગમેં કપિ સંકટમોચન નામ તિહારો ॥ ૧ ॥

બાલિ કી ત્રાસ કપીસ બસૈ ગિરિ જાત મહાપ્રભુ પંથ નિહારો ।
ચૌંકિ મહા મુનિ સાપ દિયો તબ ચાહિય કૌન બિચાર બિચારો ।
કૈ દ્વિજ રૂપ લિવાય મહાપ્રભુ સો તુમ દાસ કે સોક નિવારો ।
કો નહિં જાનત હૈ જગમેં કપિ સંકટમોચન નામ તિહારો ॥ ૨ ॥

અંગદ કે સઁગ લેન ગયે સિય ખોજ કપીસ યહ બૈન ઉચારો ।
જીવત ના બચિહૌ હમ સો જુ બિના સુધિ લાએ ઇહાઁ પગુ ધારો ।
હેરિ થકે તટ સિંધુ સબૈ તબ લાય સિયા સુધિ પ્રાન ઉબારો ।
કો નહિં જાનત હૈ જગમેં કપિ સંકટમોચન નામ તિહારો ॥ ૩ ॥

રાવન ત્રાસ દઈ સિય કો સબ રાક્ષસિ સોં કહિ સોક નિવારો ।
તાહિ સમય હનુમાન મહાપ્રભુ જાય મહા રજનીચર મારો ।
ચાહત સીય અસોક સોં આગિ સુદૈ પ્રભુ મુદ્રિકા સોક નિવારો ।
કો નહિં જાનત હૈ જગમેં કપિ સંકટમોચન નામ તિહારો ॥ ૪ ॥

બાન લગ્યો ઉર લછિમન કે તબ પ્રાન તજે સુત રાવન મારો ।
લૈ ગૃહ બૈદ્ય સુષેન સમેત તબૈ ગિરિ દ્રોન સુ બીર ઉપારો ।
આનિ સજીવન હાથ દઈ તબ લછિમન કે તુમ પ્રાન ઉબારો ।
કો નહિં જાનત હૈ જગમેં કપિ સંકટમોચન નામ તિહારો ॥ ૫ ॥

રાવન જુદ્ધ અજાન કિયો તબ નાગ કિ ફાઁસ સબૈ સિર ડારો ।
શ્રીરઘુનાથ સમેત સબૈ દલ મોહ ભયો યહ સંકટ ભારો ।
આનિ ખગેસ તબૈ હનુમાન જુ બંધન કાટિ સુત્રાસ નિવારો ।
કો નહિં જાનત હૈ જગમેં કપિ સંકટમોચન નામ તિહારો ॥ ૬ ॥

બંધુ સમેત જબૈ અહિરાવન લૈ રઘુનાથ પતાલ સિધારો ।
દેબિહિં પૂજિ ભલી બિધિ સોં બલિ દેઉ સબૈ મિલિ મંત્ર બિચારો ।
જાય સહાય ભયો તબ હી અહિરાવન સૈન્ય સમેત સઁહારો ।
કો નહિં જાનત હૈ જગમેં કપિ સંકટમોચન નામ તિહારો ॥ ૭ ॥

કાજ કિયે બડ દેવન કે તુમ બીર મહાપ્રભુ દેખિ બિચારો ।
કૌન સો સંકટ મોર ગરીબ કો જો તુમસોં નહિં જાત હૈ ટારો ।
બેગિ હરો હનુમાન મહાપ્રભુ જો કછુ સંકટ હોય હમારો ।
કો નહિં જાનત હૈ જગમેં કપિ સંકટમોચન નામ તિહારો ॥ ૮ ॥

॥દોહા॥

બાલ દેહ લાલી લસે અરૂ ધરિ લાલ લઁગૂર ।
વજ્ર દેહ દાનવ દલન જય જય જય કપિ સૂર ॥

॥ ઇતિ ગોસ્વામિ તુલસીદાસ કૃત સંકટમોચન હનુમાનાષ્ટક સમ્પૂર્ણ ॥